Республикада сел жана суу ташкындарын алдын алуу иш-чаралары көрүлүүдө
Бишкек, 7-май /Кабар/. КРнын Жарандык коргоонун башчысы-Премьер-министрдин буйругун аткаруу максатында республиканын аймактарында сел каптоонун алдын алуу боюнча иш-чаралар жүргүзүлүүдө. Бул туурасында КР Өзгөчө кырдаалдар министрлигинин басма сөз кызматы маалымдады.
6-майда КР Өзгөчө кырдаалдар министри Кубатбек Боронов жана анын орун басары Бакир Жолчиев Жалал-Абад облусундагы селден жабыркаган аймактарда болушуп, калк менен жолугушуп, кырсыктын кесепеттерин тез арада жоюу боюнча тиешелүү жетекчилерге тапшырмаларды берди.
