С.Исаков:“Август айында Казакстандын Президенти Кыргызстанга иш сапары менен келмекчи”
Бишкек, 11-май /Кабар/. “Август айынын ортосунда Казакстандын Президентинин Кыргызстанга иш сапар менен келиши күтүлүүдө”,-деп билдирди басма сөз жыйынында Президенттин Аппаратынын тышкы саясат бөлүмүнүн башчысы Сапар Исаков.
Анын айтуусу боюнча, Нурсултан Назарбаевдин Кыргызстанга жасаган иш сапарынын алкагында жаңы стратегиялык өнөктөштүк тууралуу декларациянын түзүлүшү күтүлүүдө. “Ал декларацияда жакынкы 10 жыл үчүн пландар түзүлөт. Андан тышкары, Жогорку мамлекеттер аралык кеңештин үчүнчү жыйыны өтөт”,- дейт бөлүм башчы.
