Бишкек, 23.04.26. /Кабар/. 22-апрелде Бишкек шаарындагы Дөлөн Өмүрзаков атындагы стадиондо 2025-2026-жылдардагы сезондун AFC Challenge League (Чакырык лигасы) алкагында ата мекендик "Мурас Юнайтед" клубу Кувейттин "Кувейт" командасы менен кез келди.
Белгилей кетсек, атаандаш команда Кувейттин учурдагы чемпиону болуп саналат.
Тилекке каршы, беттеш 2:1 эсебинде коноктордун жеңиши менен аяктады ("Мурас Юнайтеддин" жалгыз голун 36-мүнөттө Амир Жапаров киргизди). Бирок, клуб финалга жолдомо ала албай калды.
Эске салсак, "Мурас Юнайтед" бул турнирге катышуу укугуна 2024-жылдагы Кыргызстандын кубогунун ээси катары ээ болгон. 2025-жылдагы мелдештердин алкагында клуб квалификациядан өтүп, тайпалык этаптан ийгиликтүү чыккан.
Ал эми 2026-жылдын 19-апрелинде өткөн чейрек финалда Ливандын клубун жеңип алган эле.
