Бишкек, 10.06.26. /Кабар/. Бишкек шаарынын Жылуулук электр борбору (ЖЭБ) учурда штаттык режимде иштеп жатат.
Мэрия ЖЭБдин бүгүнкү күндөгү абалы тууралуу негизги көрсөткүчтөрдү сандар менен маалымдады.
10-июнга карата ишканадагы негизги өндүрүштүк көрсөткүчтөр төмөндөгүдөй:
- орточо электр кубаттуулугу: 153 МВт;
- электр энергиясын өндүрүү көлөмү: 3,684 миң кВт/саат;
- жылуулук энергиясын берүү көлөмү: 2,4 миң гигакалория;
- көмүр кору: Кампадагы көмүрдүн калдыгы 53,927 миң тоннаны түзөт.
ЖЭБде жалпысынан 15 отказан агрегаты, кайчылаш байланышуу менен 7 турбиналык агрегат жана №3, №4 эки энергоблок бар.
"Бүгүнкү күндө алардын ичинен 2 отказан агрегаты, кайчылаш байланышкан 2 турбиналык агрегат жана №4 энергоблок туруктуу иштеп жатат. Ал эми 5 отказан агрегаты менен 2 турбиналык агрегат резервде турат", - деп айтылат маалыматта.
Ошондой эле алдыдагы мезгилге даярдык катары 8 отказан агрегаты, 3 турбиналык агрегат жана №3 энергоблок учурда оңдоодон өткөрүлүүдө.
