Бишкек, 11.06.26. /Кабар/. Кыргызстандык окуучулар математика жана информатика боюнча эл аралык олимпиадада 13 медаль жеңди. Бул тууралуу Агартуу министрлигинен билдиришти.
Маалыматка ылайык, 1-7-июнь күндөрү Өзбекстанда математика жана информатика боюнча IV эл аралык Аль-Хорезми атындагы олимпиада өткөрүлдү.
Ага 16 өлкөдөн: Малайзия, Монголия, Кыргызстан, Казакстан, Тажикстан, Түркия, Түркмөнстан, Беларусь, Бангладеш, Куба, Венесуэла, Иордания, Азербайжан, Өзбекстан, Румыния жана Ирандан 219 окуучу катышты.
Кыргызстандын атынан мелдеште математикадан – 12 жана информатикадан – 12 окуучу күч сынашты
"Жыйынтыгында кыргызстандык окуучулар 2 алтын, 4 күмүш жана 7 коло медаль жеңип алышты", - деп айтылат маалыматта.
