Бишкек, 27.02.26 /Кабар/. Бүгүн “Ынтымак Ордодо” өткөн республикалык кеңешмеде министрлер кабинетинин төрагасынын орун басары Эдил Байсалов маданият, спорт жана туризм тармагында жетишилген жыйынтыктар менен бөлүштү.
Байсаловдун айтымында, 2025-жылы маданият мекемелеринин материалдык техникалык базасын чыңдоого 851 млн сом бөлүнгөн.
“Жыл ичинде театралдык оюн-зоок мекемелери тарабынан көрсөтүлгөн акы төлөнүүчү кызматтардан алынган атайын каражаттардын көлөмү 155 млн сомду түзүп, рекорддук көрсөткүчтөргө жетти”,-деди ал.
Ошондой эле спорт тармагына 2021-жылы бюджеттен 953 млн сомго жакын каражат бөлүнсө, 2025-жылы 2,6 млрд сом бөлүнгөнүн кошумчалады.
“Жаштар саясатын каржылоо 2021-жылдагы 4 млн сомдон 2025-жылы 50 млн сомго чейин өстү. Андан сырткары, туризм тармагынын дүң кошумча наркы 74,4 млрд сомду түзүп, 2024-жылга салыштырмалуу 29%га өстү”,-деп кошумчалады Байсалов.
