Бишкек, 05.02.26. /Кабар/. Чүй облусунун Сокулук районунда жаңы оорукана курулмай болду. Бул тууралуу саламаттык сактоо министри Каныбек Досмамбетов Жогорку Кеңештин жыйынында билдирди.
Министр ошондой эле Кара-Балтада да жаңы оорукана куруу чечими кабыл алынганын айтты.
“Президенттин Чүй облусундагы өкүлү Азамат Осмонов менен сүйлөштүк. Сокулук райондук ооруканасы жаңы курулмай болду. Кара-Балта шаарындагы оорукананы капиталдык оңдоодон өткөрүү керектиги айтылды. Бирок, биз ремонт иштерин жүргүзбөй эле, кошумча каражаттарды таап, жаңы имарат курууну чечтик”, - деп белгиледи Досмамбетов.
