Бишкек, 11.07.26. /Кабар/. Испания курама командасы футбол боюнча дүйнө чемпионатынын 1/4 финалындагы беттеште Бельгия курамасын жеңип алды.
Лос-Анжелесте өткөн беттеш 2:1 эсебинде аяктады.
Оюндун урунттуу учурлары жана голдор:
- 30-мүнөттө: Испания курамасынын жарым коргоочусу Фабиан Руис эсепти ачты — 1:0.
- 41-мүнөттө: бельгиялык чабуулчу Шарль Де Кетеларе жооптук топту киргизип, эсепти теңеди — 1:1.
- 88-мүнөттө оюндун аякташына саналуу мүнөттөр калганда, алмашууга чыккан Микель Мерино Испанияга жеңиш алып келген голду киргизди — 2:1.
Бул жеңиши менен Испания курама командасы Дүйнө биринчилигинин жарым финалдык баскычына жолдомо алды.
