Бишкек, 25.05.26. /Кабар/. Кытайда никеге тургандардын саны өстү. Бул тууралуу Синьхуага шилтеме берип Казинформ жазды.
Маалыматка караганда, 2025-жылы Кытайда 6,76 млн нике катталган, бул мурунку жылга салыштырмалуу 657 миңге көп.
Адистер бул өсүштү каттоо процедураларынын жөнөкөйлөштүрүлүшү жана жаңы үйлөнгөндөр үчүн тиешелүү кызматтардын кеңейиши менен байланыштырышат.
Жаңы өзгөрүү никени жашаган жеринде эмес, өлкөнүн каалаган аймагында каттоо мүмкүнчүлүгү болду. Бул өзгөчө башка аймактарда иштегендер үчүн маанилүү.
Жаңы эрежелер өткөн май айында күчүнө киргенден бери Сичен районунда дээрлик 27 миң нике катталган, бул мурунку жылга салыштырмалуу 24,7%га көп.
Өлкө боюнча 525 паркта жана 1330 көчөдө каттоо пункттары ачылган.
