Бишкек, 26.05.26. /Кабар/. Ош шаары эски көрнөк-жарнактардан арылат. Бул тууралуу муниципалитеттен билдиришти.
Маалыматка ылайык, учурда көрнөк-жарнактарды "Мамлекеттик тил жөнүндө" жана "Жарнак жөнүндө" мыйзамдарынын нормаларына ылайык келтирүү иштери уланууда.
Бүгүн Муниципалдык менчик башкармалыгынын жарнак жана дизайн бөлүмү, шаардык мэриянын Мамлекеттик тил боюнча комиссиясы Мамыров жана Жапалак айылынын көчөлөрүндөгү эскилиги жеткен жарнамаларды алды.
"Соода имараттарынын сыртындагы жарнактардын ар кандай түрлөрүнө, кулактандырууларга мамлекеттик тилдин талаптарынын сакталышына көңүл бурулуп, бир нече ишкерге эскертүү берилди. Мыйзам ченемдерин белгиленген мөөнөттө аткарбаган ишкерлерге карата административдик чаралар колдонулуп, жарнактары алынат", — деп айтылат маалыматта.
