Бишкек, 26.03.26. /Кабар/. Россиянын президенти Владимир Путин май айынан баштап алтын куймаларын алып өтүүгө чектөөлөрдү киргизүү жөнүндө жарлыкка кол койду. Бул тууралуу Интерфакс кабарлайт.
Маалыматка ылайык, жеке адамдарга 1-майдан баштап жалпы салмагы 100 граммдан ашкан алтын куймаларын Россиядан алып чыгууга тыюу салынат. Бул тыюу салуу Москванын "Шереметьево", "Домодедово" жана "Внуково" аэропортторунан жана Владивостоктун "Кневичи" аэропортунан учуп чыккан жүргүнчүлөргө, эгерде аларда уруксат кагазы болсо, колдонулбайт.
Юридикалык жактар жана жеке ишкерлер Евразия экономикалык биримдигине кирбеген өлкөлөргө чектөөсүз алтын куймаларын экспорттой алышат. Ал эми ЕАЭБ өлкөлөрүнө жөнөтүүлөр ошол эле төрт аэропортто уруксат кагазы аркылуу чыгарылат. Бул чектөө кредиттик мекемелерге тиешелүү эмес.
