Бишкек, 15.04.26 /Кабар/. Кыргызстандын Тепүк (Лянги) федерациясы 2026-жылдагы Дүйнөлүк көчмөндөр оюндарынын демонстрациялык программасына катышуу үчүн 20 адамдан турган команданы даярдап жатат. Бул тууралуу аталган федерациянын президенти Болотбек Марипов "Кабар" маалымат агенттигинде өткөн маалымат жыйынында билдирди.
Анын айтымында, бул тепүк оюнун эл аралык деңгээлде жайылтуу үчүн маанилүү.
"Биз оюнду чет элдик делегациялар жана туристтер арасында жайылтуу оюндарга толук кандуу командалардын катышуусуна негиз түзөт деп үмүттөнөбүз. Тажрыйба алмашуунун алкагында Кытай, Монголия, Индия жана Түштүк Кореядан келген чеберлер да катышууга чакырылды, бул байыркы салтка дүйнөлүк кызыгууну баса белгилейт", - деди Марипов.
Федерация учурда Алтайдын башчысы Андрей Турчак жана жергиликтүү Тебек федерациясы менен активдүү сүйлөшүүлөрдү жүргүзүп жатат.
"Алтайлык кесиптештерибиз командалык ыкманы иштеп чыгышты, ал эми биз дагы эле жекече оюнга басым жасап жатабыз. Биз биргелешкен машыгууларды өткөрүү жана 2026-жылдагы Дүйнөлүк көчмөндөр оюндарында көргөзмө оюнун көрсөтүүгө даярдануу үчүн Алтайлык спортчулардын эртерээк келиши боюнча сүйлөшүүлөрдү жүргүзүп жатабыз. Бул бизге салттарыбызды бир жерде бириктирүүгө мүмкүндүк берет", - деди федерациянын басма сөз катчысы Бонивур Ишемкулов.
