Бишкек, 13.04.26. /Кабар/. 12-апрелде Бишкекте каратэ WKF боюнча шаардык биринчилик өттү. Бул тууралуу мэриядан билдиришти.
Маалыматка ылайык, мелдешке борбор калаанын спорт мектептеринен жана клубдарынан 400дөн ашык спортчу катышты. Алар 8 жаштан 17 жашка чейинки курактык категорияда күч сынашты.
Мелдештин жыйынтыгында жеңүүчүлөр жана байге ээлери кубок, медаль, диплом жана баалуу белектер менен сыйланышты.
Белгиленгендей, бул мелдеш жыл сайын өткөрүлүп келет.
