Бишкек, 31.03.26. /Кабар/. Министрлер кабинетинин төрагасы Адылбек Касымалиев кол койгон тиешелүү тескемелерге ылайык, өлкөнүн бир катар райондорунун мамлекеттик администрацияларынын башчыларынын орун басарлары кызмат орундарынан бошотулду, аны менен катар дайындоолор болду.
Топчубек Эшбаев Жалал-Абад облусунун Чаткал районунун мамлекеттик администрациясынын башчысынын – акимдин орун басары кызмат ордунан өз каалоосу менен бошотулду.
Махабат Токуева Чаткал районунун мамлекеттик администрациясынын башчысынын – акимдин орун басары болуп дайындалды.
