Бишкек, 09.04.26. /Кабар/. Түркиянын Измир шаарында Кыргызстандын Стамбул шаарындагы Башкы консулдугунун демилгеси менен Измир шаарынын Соода палатасынын колдоосунда Кыргызстандын инвестициялык жана ишкердик мүмкүнчүлүктөрүн таанытууга багытталган иш-чара уюштурулду. Бул тууралуу Инвестициялар боюнча улуттук агенттиктен билдиришти.
Маалыматка ылайык, жолугушууга агенттиктин башчысынын орун басары Мээримбек Койчуманов катышты.
Иш-чаранын алкагында катышуучуларга эки өлкөнүн ортосундагы соода-экономикалык байланыштар, Кыргызстанга карата экспорттук мүмкүнчүлүктөр, кызматташуунун артыкчылыктуу багыттары жана инвестициялык долбоорлор боюнча кеңири маалымат берилди.
Мындан тышкары, долбоорлор жана кызматташтык багыттары боюнча баяндамалар жасалды.
Жолугушуу суроо-жооп форматында улантылып, катышуучулар келечектеги кызматташтыктын мүмкүнчүлүктөрү кеңири талкууланды.
