Бишкек, 07.04.26. /Кабар/. Бишкекте өлкөнүн укук коргоо органдарынын кызматкерлери арасында дзюдо боюнча чемпионат өттү. Бул тууралуу УКМКдан билдиришти.
Маалыматка ылайык, турнир "Динамо" коомдук бирикмеси тарабынан уюштурулуп, көрүнүктүү мамлекеттик ишмер Болотбек Ногойбаевдин жаркын элесине арналды.
Мелдешке 16 команда катышып, алар беш салмак категориясында күч сынашты.
Командалык эсепте биринчи орунду УКМКнын курама командасы ээледи. Экинчи орунду Ош ШИИБнин командасы алса, ал эми үчүнчү орун ИИМдин Күзөт кызматынын командасына ыйгарылды.
