Бишкек, 13.04.26 /Кабар/. 11–12-апрель күндөрү Ереван шаарында самбо боюнча Дүйнө кубогу өттү. Бул тууралуу Дене тарбия жана спорт мамлекеттик агенттигинен билдиришти.
Маалыматка ылайык, мелдеш спорттук самбо, күжүрмөн самбо жана көрүүсү начар спортчулар арасында самбо боюнча уюштурулду. Жыйынтыгында Кыргызстандын курама командасы бир катар байгелүү орундарды багындырды.
Спорттук самбо боюнча:
- Байэл Жакшылыков (79 кг) — 2-орун.
Күжүрмөн самбо боюнча:
- Бектен Эркебай уулу (88 кг) — 3-орун;
- Бекболсун Керимбеков (98 кг) — 3-орун;
- Таласбек Нуралиев (+98 кг) — 3-орун;
- Акак Үсөн кызы (54 кг) — 3-орун.
Көрүүсү начар спортчулар арасында:
- Азиза Туранова (54 кг) — 3-орун.
