Бишкек, 20.07.26. /Кабар/. Япониянын борбору Токиодо катуу ысыктан улам тургундарга эскертүү жөнөтүлдү. Бул тууралуу РИА Новости маалымдайт.
Синоптиктердин божомолуна ылайык, Токиодо абанын температурасы 36 градуска чейин көтөрүлүшү мүмкүн. Мындай ысык аба ырайына байланыштуу эскертүү өлкөнүн дагы 38 префектурасында жарыяланды. Натыйжада, Япониянын 47 префектурасынын 39унда ысыктан сактануу боюнча чаралар көрүлүүдө.
Коңшу Сайтама префектурасында аба ырайы 38 градуска чейин ысыйт деп күтүлүүдө. Ал эми Нагоя, Киото, Яманаси, Гифу жана Фукуи аймактарында температура 37 градуска чейин жетет.
Метеорологдордун маалыматы боюнча, өлкөнүн дээрлик бардык аймактарында, анын ичинде түндүк райондордо да абанын температурасы орточо көрсөткүчтөн 2–7 градуска жогору болот. Токиодо бул көрсөткүч кадимки нормадан 6 градуска жогору экени белгиленди.
Алдыдагы аптада Япониянын көпчүлүк аймактарында ысык аба ырайы сакталат. Түндүктөгү Хоккайдо аралынан түштүктөгү Фукуокага чейин температура 30 градустан жогору болот. Токиодо 36–37 градус, ал эми Нагояда аба 40 градуска чейин ысыйт деп күтүлүүдө.
