Бишкек, 22.05.26. /Кабар/. Бүгүн, 22-майда, өлкөнүн түштүк аймактарында катуу жаан жаады.
Өзгөчө кырдаалдар министрлигинен билдиришкендей, саат 20:10го карата өлкө аймагында жалпысынан 13 сел катталды.
Алардын бөлүнүшү төмөнкүдөй:
Жалал-Абад облусу
- Аксы районунда — 3,
- Таш-Көмүр шаарында — 2,
- Манас шаарында — 1,
- Сузак районунда — 1;
Ош облусу
- Алай районунда — 2,
- Ноокат районунда — 1,
- Кара-Суу районунда — 1,
- Кара-Кулжа районунда — 1;
Талас облусу
- Манас районунда — 1.
“Учурда жер-жерлерде кырдаалды тактоо жана кесепеттерин жоюу үчүн тиешелүү күчтөр менен каражаттар тартылып, иштер жүргүзүлүүдө”, — деп айтылат маалыматта.
