Бишкек, 22.05.26 /Кабар/. Күн мурун Чолпон-Ата шаарындагы "Рух-Ордо" маданий борборунда Тажикстандын Кыргызстандагы Маданият күндөрүнүн жабылуу аземи өттү.
Маданият, маалымат жана жаштар саясаты министрлигинен билдиришкендей, салтанаттуу иш-чарага маданият министринин орун басары Тимурлан Ажымалиев жана Тажикстандын Кыргызстандагы элчиси Ализода Назирмад катышты.
Аземдин алкагында кыргыз жана тажик өнөрпоздору тарабынан концерттик программа тартууланып, эки элдин достугун, маданий байланышын жана руханий жакындыгын даңазалаган чыгармачыл номерлер көрсөтүлдү.
Эске салсак, Тажикстандын Маданият күндөрү Кыргызстанда бир нече күн бою өтүп, анын алкагында концерттер, көргөзмөлөр, кино көрсөтүүлөр жана башка маданий иш-чаралар уюштурулду.
