Бишкек, 29.06.26. /Кабар/. Ош шаарында жаңы айланма автобус каттамы ишке кирет. Бул тууралуу коомдук транспортту оптималдаштыруу боюнча комиссиянын кезектеги отурумунда айтылды.
Муниципалитеттен билдиришкендей, анда айланма автобус каттамынын схемасы бекитилди.
"Негизги максат шаар тургундары үчүн транспорттук жеткиликтүүлүктү жогорулатуу, жол убактысын кыскартуу жана автобустардын ишин натыйжалуу кылуу болуп саналат", - деп айтылат маалыматта.
Комиссия алдыда муниципалдык унаа ишканасы тейлеген бардык автобустук каттамдарды кайра карап чыгат. Каттамдар шаардагы жаңы жолдорго жана жүргүнчүлөрдүн суроо-талабына ылайыкталат.
