Бишкек, 16.10.25. /Кабар/. Ош облусундагы Андагул айылындагы жаңы мектеп жакында пайдаланууга берилет. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык,150 орундуу мектептин курулушу 2023-жылы республикалык бюджеттин эсебинен башталган. Курулуш-монтаждоо иштерине жалпы 104 млн сом сарпталды.
Объекттин курулуш иштери “Ак-Тилек курулуш” жоопкерчилиги чектелген коом тарабынан аткарылып, көзөмөлдү Турак жай-жарандык курулуш департаменти жүргүздү.
Башкы план боюнча жалпы аянты 1281 чарчы метрге жеткен эки кабаттуу окуу корпус спорт залы менен салынды. Мектепте заманбап талаптарга жооп берген 6 негизги окуу класстардан тышкары лаборатория, китепкана, дарыгердин бөлмөсү, жыйындар залы да бар.
