Бишкек, 28.04.26. /Кабар/. Сузак районунда Коммунизм – Жаңы-Дыйкан унаа жолу асфальтталууда. Бул тууралуу Транспорт жана коммуникациялар министрлигинен билдиришти.
Маалыматка ылайык, жолдун узундугу 6 чакырымды түзөт. Быйылкы жылы толук асфальт төшөө пландалган.
Учурда жолдун негизин даярдоо, тегиздөө жана асфальт төшөө иштери этап-этабы менен жүргүзүлүүдө. Эки тилкеде жер алдындагы суу түтүктөрү жаңыланууда.
