Бишкек, 15.04.26 /Кабар/. Талас облусунда тыюу салынган "Йакын-Инкар" агымынын бир нече мүчөсү радикалдуу идеологиядан баш тартты.
Атайын кызматтан билдиришкендей, Улуттук коопсуздук мамлекеттик комитети, Талас облусунун казыяты жана облустук милиция өкүлдөрү биргеликте түшүндүрүү жана алдын алуу иш-чараларын уюштурду.
Жыйынтыгында аталган диний-экстремисттик агымдын мүчөлөрү өз каталарын моюнга алып, мекендештерин салттуу ислам баалуулуктарын сактоого жана коомдун бүтүндүгүн бузбоого чакырышты.
