Бишкек, 6.07.26. /Кабар/. Жаратылыш ресурстары, экология жана техникалык көзөмөл министринин орун басары Асел Раимкулованын жетекчилигинде Ысык-Көл биосфералык аймагын зоналаштыруу жана укуктук базаны жакшыртуу боюнча жумушчу жыйын өттү.
Ведомстводон маалымдашкандай, жолугушууга Токой кызматынын, "Кыргызмамжердолбоорлоо" ишканасынын, Улуттук илимдер академиясынын өкүлдөрү жана тиешелүү адистер катышты.
Жыйында эл аралык ченемдер менен улуттук мыйзамдардын ортосундагы айырмачылыктар каралып, корголуучу аймактын макамын сактоо үчүн укуктук-ченемдик актыларга өзгөртүүлөрдү киргизүү зарылдыгы белгиленди.
"Иш-чаранын жыйынтыгында "Кыргызмамжердолбоорлоо" мамлекеттик ишканасы биосфералык аймакты зоналаштыруу жумуштарын тездетүү милдеттенмесин алды. Ал эми мыйзам актыларын иштеп чыгуу жана аларга өзгөртүүлөрдү киргизүү боюнча министрликтин түзүмдүк бөлүнүштөрүнө конкреттүү тапшырмалар берилди", - деп айтылат маалыматта.
Белгиленгендей, бул багыттагы кадамдар көлдүн экосистемасын коргоо жана аймакты туруктуу өнүктүрүү үчүн өзгөчө мааниге ээ экени айтылды.
