Бишкек, 29.05.26. /Кабар/. Бүгүн Жалал-Абад облусунда 479 мектепте акыркы коңгуроо салтанаты өттү. Бул тууралуу президенттин аймактагы өкүлчүлүгүнөн билдиришти.
Бул жылы облус боюнча 11-классты 12 миң 154 окуучу, ал эми 9-классты 24 миң 749 окуучу аяктады.
Президенттин Жалал-Абад облусундагы өкүлүнүн биринчи орун басары Уларбек Исмаилов Манас шаарындагы №14 орто мектепке, ал эми өкүлдүн орун басары Исламбек Увайдиллаев №1 орто мектепке барып, мугалимдерди, бүтүрүүчүлөрдү жана окуучуларды окуу жылынын ийгиликтүү аякташы менен куттукташты.
