Бишкек, 08.07.26. /Кабар/. Ош шаарынын мэриясында муниципалдык менчиктеги жер участокторуна менчик же ижара укугун берүү боюнча комиссиянын кезектеги отуруму өттү.
Муниципалитеттен билдиришкендей, жыйында жалпысынан 49 маселе каралды.
Жыйынтыгында комиссиянын чечими менен демөөрчүлөрдүн эсебинен 3 жер тилкесине заманбап "акылдуу" аялдамаларды курууга макулдук берилди. Аялдамалардын 30% аянтында тейлөөчү жайлар жайгашат.
Ошондой эле санариптик ЛЭД экрандарды орнотуу үчүн 22 жер тилкеси, ал эми аукцион аркылуу ижарага берүү жана аукционго чыгаруу үчүн 17 жер тилкеси жактырылды. Ошондой эле 4 жер тилкеси түз ижарага берилет.
