Бишкек, 21.05.26. /Кабар/. Бүгүн Санкт-Петербург шаарында КМШга мүчө мамлекеттердин Жаштар парламенттер аралык ассамблеясынын (КМШ ЖПАА) кезектеги жыйыны өттү.
Парламенттен билдиришкендей, жыйындын жүрүшүндө быйыл КМШ Жаштар парламенттер аралык ассамблеясына Кыргызстан төрагалык кылып жатканы белгиленип, Жогорку Кеңеш тарабынан КМШ ЖПААнын Координатору кызмат ордуна Жогорку Кеңештин депутаты Табылды Муратбековдун талапкерлиги сунушталганы айтылды.
Добуш берүүнүн жыйынтыгында Табылды Муратбеков КМШ ЖПААнын Координатору болуп шайланды.
Андан соң жыйын ассамблеянын жаңы координатору Табылды Муратбековдун Кыргызстандагы мамлекеттик жаштар саясатынын учурдагы абалы жана жаштар парламентаризмин өнүктүрүү тууралуу баяндамасы менен уланды.
