Бишкек, 01.07.26. /Кабар/. Аргентиналик адис Себастьян Беккасесе футбол боюнча дүйнө чемпионатынын 1/16 финалында Мексика курамасынан жеңилгенден кийин Эквадор курамасынын башкы машыктыруучусу кызматынан кете турганын жарыялады.
Беккасесе командадан келишимдин мөөнөтү аяктаганына байланыштуу кетти. Шаршембиге караган түнү Эквадор курамасы Мексика менен беттешип, 0:2 эсебинде жеңилүү ызасын тартты.
"Футбол ушундай, жыйынтыктар да ар кандай. Бүгүн бул кереметтүү үй-бүлө менен коштошууга туура келип турат. Бирок мен бул кадамга чоң ыраазычылык жана бар күчүбүздү жумшадык деген ички тынчтык менен кетип жатам", — деп келтирет Беккасесенин сөзүн DSports басылмасы.
