Бишкек, 26.04.26. /Кабар/. Бүгүн Кытайдын коргоо министри Дун Цзюнь расмий сапары менен Кыргызстанга келди. Бул тууралуу Коргоо министрлигинен билдиришти.
Жогорку даражалуу конокту "Манас" эл аралык аэропортунан Кыргызстандын коргоо министри Руслан Мукамбетов тосуп алды.
Ал 28-апрелде Бишкек шаарында өтө турган Шанхай кызматташтык уюмуна мүчө мамлекеттердин коргоо министрлеринин кеңешмесине катышат.
