Бишкек, 19.06.26. /Кабар/. Манас шаарында алты жаңы мектеп курулууда.
Курулуш министрлигинен билдиришкендей, алардын бири — Манас муниципалдык аймагында жайгашкан 500 орундуу №13 мектеп.
Долбоорго ылайык, билим уясы беш блоктон турган үч кабаттуу имарат болуп курулууда. Жалпы аянты 4215 чарчы метрди түзөт.
Анда заманбап окуу класстары, китепкана, эки кабаттуу 322 орундуу жыйындар залы, азык-түлүк сактоочу кампасы менен ашкана жана бардык шарттары каралган спорт зал жайгашат.
Учурда курулуш аянтчасында 60 жумушчу эмгектенип жатат. Имараттын биринчи кабатынын дубалдары тургузулуп, үчүнчү кабаттын монолиттик иштери аяктап калды.
