Бишкек, 22.06.26. /Кабар/. Бүгүн Талас облусунда бир күндө 29 кичи футбол аянтчасы расмий түрдө колдонууга берилди. Бул тууралуу президенттин аймактагы өкүлчүлүгүнөн билдиришти.
Маалыматка ылайык, алардын курулушу президенттин фондунун эсебинен жүргүзүлдү. Анын ичинен:
- Талас шаарында - 6;
- Манас районунда - 8;
- Айтматов районунда - 7;
- Бакай-Ата районунда - 3;
- Талас районунда - 5 футбол аянтчасы курулду.
Футбол аянтчалары жергиликтүү бийликке катталып, жалпы журтка кызмат кылат.
Долбоордун негизги максаты - жаш муундун ден соолугуна кам көрүп, алардын дене тарбияга болгон кызыгуусун күчөтүү жана машыгууга ыңгайлуу, заман талабына жооп берген мүмкүнчүлүктөрдү камсыз кылуу.
