Бишкек, 14.05.26. /Кабар/. Президенттин Ысык-Көл облусундагы өкүлү Бакытбек Жетигенов бүгүн Жети-Өгүз районуна караштуу Ак-Терек айылында жергиликтүү тургундар менен жолугушуу өткөрүп, элдин көйгөйлөрүн угууда.
Өкүлчүлүктөн билдиришкендей, жолугушуунун жүрүшүндө тургундар ичүүчү таза суу, сугат суу, ирригациялык резервуарлар, жер маселелери, жол жана башка инфраструктуралык көйгөйлөр, ошондой эле социалдык тармактагы маселелерди көтөрүшүүдө.
Ыйгарым укуктуу өкүл Бакытбек Жетигенов ар бир көтөрүлгөн маселеге өзгөчө көңүл буруп, тиешелүү мекеме-ишканаларга тапшырмаларды жеринде берип жатат.
Ошондой эле көйгөйлөрдү этап-этабы менен чечүү боюнча иштер жүргүзүлөрүн белгиледи.
