Бишкек, 30.04.26. /Кабар/. Күн мурун Кытайдын Гуандун провинциясынын Хуэйчжоу шаарында "Борбор Азия өлкөлөрүнүн соода мүмкүнчүлүктөрү жана долбоордук сатып алуулар боюнча презентациясы" аттуу иш-чара өткөрүлдү.
ТИМдин маалыматы боюнча, иш-чараны Кыргызстандын Гуанчжоудагы Башкы консулдугу Хуэйчжоу шаарынын расмий түзүмдөрү жана соода палаталары менен биргеликте уюштурду.
Иш-чарага мамлекеттик органдардын, бизнес чөйрөнүн, тармактык ассоциациялардын өкүлдөрү жана Кыргыз Республикасы менен соода-экономикалык жана инвестициялык кызматташтыкты өнүктүрүүгө кызыкдар болгон 300гө жакын кытайлык ишкана катышты.
Иш-чаранын жүрүшүндө Башкы консулдуктун өкүлдөрү өлкөнүн инвестициялык мүмкүнчүлүктөрүн жана "Ала-Тоо Резорт" улуттук тоо кластери долбоорун тааныштырды.
Өткөрүлгөн иш-чара Кыргызстандын инвестициялык потенциалын илгерилетүүгө, кыргыз-кытай ишкер байланыштарын чыңдоого жана эки өлкөнүн бизнес өкүлдөрүнүн ортосунда жаңы кызматташтык байланыштарын түзүүгө маанилүү өбөлгө түздү.
